Descripción de la imagen
Descripción de la imagen
Descripción de la imagen
Descripción de la imagen
Descripción de la imagen
Descripción de la imagen
Descripción de la imagen
Descripción de la imagen
Descripción de la imagen
Descripción de la imagen
Descripción de la imagen
Descripción de la imagen
Descripción de la imagen
Descripción de la imagen
Descripción de la imagen
Descripción de la imagen
Descripción de la imagen
Descripción de la imagen
Descripción de la imagen
Descripción de la imagen
Descripción de la imagen
Descripción de la imagen
Descripción de la imagen

ANTXIETA ARKEOLOGIA TALDEA

Sortze data: 1965.
Helbidea
: Perez Arregi plaza 1, 1.
Lehendakaria:
Jabier Lazkano.
Harremanetarako
: J.Inazio Arrieta (608 087 024), Jabier Lazkano (669 833 377), Iñigo Olarte (606 975 968). E-posta: arrieta-etxaniz@euskalnet.net.
Historia
: Gipuzkoako ikerketa arkeologikoa egiteko biltzen garen talde kulturala da, diru afanik gabekoa, 1965 urtean Andoni Albizuri Katxo eta Rafael Rezabalek sortua izan zen.

Gaur eguneko lan taldea 9 partaidekoa da: Rafael Rezabal, Jabier Lazkano, Iñigo Olarte, Jabier Maiz, Andrex Maiz, J.Inazio Arrieta, Joseba Irureta, Andoni Irureta eta Xabier Azkoitia.

Arkeologi Prehistorikoaren barruan Antxietaren lana ikerketaren 1º fasea da :

Gipuzkoako aran ezberdinetan aztarnategi prehistorikoak izan litekeenak bilatzen saiatzea.

Aztarnategi prehistorikoa izan liteken aurkikuntzaren topografia.

Azaleko azterketa egin ondoren, ikerketa arkeologikoa egiteko baimena eskatzea Gipuzkoako Foru Aldundiari.

Aztarnategi arkeologikoan Kata edo Sondeoa egitea.

Kata edo Sondeoan aurkitutako materialak garbitu, ikertu eta identifikatzea.

Aztarnategiaren dokumentazio osoa: planoak, mapak eta lekuko koordenadak, materialaren siglaketa…

Gipuzkoako aurkikuntza arkeologikoaren ardura duen Aranzadi Zientzi Elkarteari materialak eramatea, beronek Eusko Jaurlaritza eta Foru Aldundiarekin konbenio bat eginda duelako, material hauen jasotze arduradun bezala.

Aranzadi Zientzi Elkarteak Gipuzkoako Katalogo Arkeologikoan eta Munibe rebistan argitaratzen ditu taldearen taldearen lanak.


Taldearen aurkikuntza garrantsitzuenak:

EKAIN – Goi Paleolitoko haitzuloko aztarnategia horma Margotuekin – Deba / Zestoa.
ERRAILLA –
Goi Paleolitoko haitzuloko aztarnategia – Aizarna – Zestoa.
ARNAILLETA –
Behe Paleolitoko haitzuloko aztarnategia – Errezil.
IRIKAITZ –
Goi Paleolitoko eta Behe Paleolitoko Aide Libreko aztarnategia – Zestoa.
URKULU –
Erdi Paleolitoko haitzuloko aztarnategia – Lastur.

Gipuzkoako Foru Aldundia eta Azpeitiko Udalaren artean betetzen dituzte taldearen diru beharrak.

Telefonika Zaharra zenaren etxean kokatzen da taldearen “Lan gela“ eta bulegoko lanak bertan egiten dira. Gela hau Azpeitiko Udalak utzitakoa da.

 

AZPEITIKO ARGAZKI ELKARTEA

Sortze data: 1984.

Helbidea: Perez Arregi Plaza 1.
Webgunea:
http://www.azpeitikoargazkielkartea.com/
Harremanetarako:
azpeitikoargazkielkartea@hotmail.com
Historia:

Azpeitiko Argazki Elkartea 1984. urtean sortu zen, Sansebastianak igaro eta segituan. Lokalaren inaugurazioarekin sortu zen.

Lehen urteetan, soziedadeetan egiten zituzten bilerak, Lagun Onak-en, Txalintxon etab. Alde horretatik arazo nahiko ibili zituzten. Materiale aldetik ere buruhauste batzuk bazituzten orduan. Garai hartan materiala lortzea ez zen gaur egun bezain eskuragarria, eta Iparraldera joan behar izan zuten, Hendaiara eta beste herri batzuetara hain zuzen ere. Argazkiaren arloan Euskal Herriko elkarterik zaharrenetakoa da Azpeitikoa.

Azpeitiko Argazki Elkarteak bere ibilbidean zehar hainbat ekitaldi antolatu izan ditu, besteak beste, Udaberriko Rallya, ikastaroak, Udazkeneko Rallya eta Santo Tomasetako lehiaketa.


Ekitaldi nagusiak:
1.- Imanol Elias Sokamuturreko Argazki lehiaketa (2007tik).
2.- Udaberriko Argazki Rallya (2010etik).
3.- Udazken eta mendiko Argazki Rallya (2007tik).
4.- Elkarteko kideen arteko lehiaketa (2009tik).
5.- Santo Tomasetako Argazki lehiaketa (2009tik).
6.- Gau Txori Argazki Rallya (2010etik).


Ikastaroa: Oinarrizko Argazkigintza Ikastaroa.

 

ARTE ETA DISEINU IKASTEGIA

Sortze data: 1980.
Helbidea:
Jose Artetxe.
Webgunea:

Harremanetarako:
artetadiseinu@gmail.com
Historia:
Arte eta Diseinu ikastegia 1980an hasi zen Arteak eta Lanbideak izanik iharduera nagusi.

Handik gutxira, Irakaskuntza Arautuan aritzeko baimena lortu zuen, Industria-Diseinua eta Barneetako Diseinua emanez, Zaragozako 'Escuela de Artes y Oficios'-en menpe egonik.

Geroago, 1992tik aurrera, Irakaskuntza Arautua emateari uzten dio, Arte eta Diseinu Ikastegia bihurtuz, ikastaroak, seminarioak, moduluak... emanez.

 

AURKITU INTERNET ELKARTEA

Sortze data: 2003.
Helbidea:
Perdillegi 7.
Webgunea:
www.aurkituinternet.com.
Harremanetarako:
aitor@aurkitu.com.
Historia:
Euskara, teknologia berriak eta kulturarekin loturiko elkartea bezela sortu zen Aurkitu Internet elkartea. Hainbat lan aurkeztu ditugu azken urteotan; Pinturarte, Giza Anatomia, Gure Lurraren Arbasoak, iEduka, Etika eta munduko erlijioak, aldezaharra, aurkitu, bilatu ezazu, geo-graf,... elkartearen diru sarrerak enpresei hainbat zerbitzu eskainiz lortzen ditu; teknologia berriei buruzko aholkularitza, web orri/cd-rom/dvd diseinuak, stand-alone programak, marketing online (sem/seo), web orrien adaptazioak tablet eta smartphonetara, etab.
Kideak: Josune Goenaga, Gorka Solagaistua eta Aitor Priya.

DANTZA SUELTO ESKOLA

Sortze data: 1995.
Helbidea:
Perdillegi 1.
Harremanetarako:
Luis Alberdi (699 027 986).
Historia:
Orain 17 urte hasi zen Luis Alberdi Azpeitian euskal dantzak irakasten. Lagun talde txiki bat bildu ziren eta etxean bertan aritzen ziren. Taldea handitzen joan ahala, lokal handiago baten premian aurkitu ziren. Bere gurasoek utzitako biltegia bat eta beranduago ikasle baten gurasoen garajea izan ziren dantza erakusteko topalekuak.

Taldea etengabe zabaltzen zihoan ordea, eta azkenean, lokal bat alokatu behar izan zuen Alberdik, Sanjuandegi auzoan. Saio ugari egin zituen Udalak lokal bat uzteko eskatuz, baina ez lokalik ezta diru laguntzarik ere ez zituen lortu.

Gaur egu, alokairuan hilean 40.000€ ordaintzen dituen lokalean dago. Une hautean, 90 lagun ditu ikasletzat eta Alberdik lan hori guztia bere aisialdi denboran egiten duela kontuan izanik eta ez dela bera bakarrik ikasle guztiei behar bezala erakustera iristen,  bi laguntzaile ditu (Maite Bereziartua eta Saio Aramendi).

ERNIARRAITZ BERTSOZALE ELKARTEA

Sortze data: 2000.
Helbidea:
Euskal Herria 39, 3 ezkerra
Webgunea:
http://uztarria.com/komunitatea/erniarraitz
Harremanetarako:
655 724 790 (Iosu Oiarzabal 'Xenpelar')
Historia:
Erniarraitz Bertsozale Elkartea 2000ko otsailaren 1ean sortu zen. Azpeitia, Errezil eta Zestoako lagunek osatutako Herriarteko Txapelketa jokatu berritan denok batera elkarte bat sortzea erabaki zen. Horrela hasi bazen ere gaur egun Azkoitia, Errezil eta Azpeitiko bertsozalez osaturik dago eta bere lan eremua ere hiru herri horietara mugatzen da batez ere.

.1- Elkartearen helburuak:

  • bertsolaritzari eskolatik hasi eta helduen garaira arte laguntzea, herrian bertsoaren sua bizirik mantentzea.

  • bertsozale berriak sortzea.

  • eta, nahi eta ahal dutenei, bertsolari izateko aukera ere eskaintzea.

.2- Partaideak:

Gaur egun, 60 bat lagun dabiltza Elkartearen inguruan: Azpeitia, Azkoitia eta Errezilgo bertsolari, bertsozale eta bertso ikasleak... Hala ere, normalean bileretan eta ekintza prestaketetan 10 lagun inguru ibili ohi dira. Ez dago bazkidetzarik eta dauden karguak sinbolikoak dira.

.3- Urtero antolatzen dituzten ekintzak dira:

  • Bertso-astea: Otsailean izaten da gehienetan eta bi urtez behin Bertsolari Gazteen Erniarraitz Sariketa antolatzen da, bertako, bailarako eta Gipuzkoako bertsolari gazteez osaturik. Sariketarik ez den urtean Bertso Paper lehiaketa antolatzen da. Bertso-asteko ekintza ohikoenak, hitzaldiak, bertso saio bereziak, bertso-poteoak, eta abar dira. Ekitaldiak Azkoitia, Errezil eta Azpeitian antolatzen dira.

  • Gabon eskea: Urtero, Gabon egunean, helduen talde pare bat osatzen dira baserriz baserri eta etxez etxe koplari ibiltzeko. Biltzen den dirua Bertso-eskolaren premietarako izaten da.

  • Txapelen omenezko saioa: urtero abenduko hirugarren asteburuan izaten da, gutxi gorabehera, eliteko bertsolari onenak eta herrikoak tartekatuz.

  • Bertso-parranda: Bi urtez behin antolatzen den taldekako bertso txapelketa berezia. Saioak tabernetan izaten dira eta bertsolari eta sasi-bertsolariak hartzen dute bertan parte. Egundoko giroa sortzen du. Azaroan eta abenduan izaten dira saioak, herri desberdinetako tabernetan. Finala abenduaren azken ostiralean izaten da. Aurten, 2006an, jokatuko da hirugarren edizioa.

  • Bertso-eskolan helduen taldeak eta gaztetxoak aritzen dira, Jokin Uranga eta Haritz Etxeberria irakasle dituztela.

  • Presoen aldeko saioa: 2 urtez behin, apirilean. 
  • Azkoitiko udaberriko saioa: maiatzean.

IKASBERRI AZPEITIKO IKASTOLA-KULTURA

Sortze data: 1995.
Helbidea:
Loiolako Inazio hiribidea 26
Webgunea:
http://www.azpeitikoikastola.eu
Harremanetarako:
943 15 12 46
Historia:
Ikastolaren datu orokorrak Azpeitiko Ikastola Ikasberri Kooperatibaren historiaz Ikastolen mugimendua Urola bailaran 1965/66koa da, orduan hasi ziren lokalez lokal ikastola sortzen. Ordu-arteko hezkuntza zerbitzu hark ez zituen asetzen hainbat guraso eta irakasle, mugitzen hasi zirenak, ikastolen mugimendua sortzen. Urratsez urrats, hezkuntza euskalduna, euskal kultura, hezkuntza mistoa, zigorra eta bortizkeriak baztertuaz, kooperatiba sustatu zuten, gurasoek jabetzan eta gestioan parte hartuaz, gardentasunez.

1979 an ospatu ziren aurrenekoz Kilometroak Azpeitian.

Bere 30 urteko ibilbidearen ondoren 1995an Publifikazioaren bidegurutzera iritsi zen. Ikastolen mugimenduak hezkuntza sare publikoan txertatuko zituen bereak ziren hainbat berrikuntza eta baliabide, eta arrakasta handia aitortzen dio honek ikastolen mugimenduari.

Asko eman zuen orduan ikastolen mugimenduak, baina ez dena; bizirik jarraitu zuen hezkuntzaren berritzaile den eragile sozial honek. 1995-96 ikasturtean Azpeitiko Ikastola Ikasberri Kooperatiba sortu zen. Harrezkero, sare publikoan sartu ziren ikastolak eta lehendik sare publikoan ziren ikastetxeek ere ikastola izena darabilte euren izenetan, eta horrek ere aitortzen ikastolaren arrakasta. Nahasmena ere sortzen du gizartean, baina bakoitzaren izaera argituz doa bidea egiten goazen heinean. Hamabost urteko bidean bigarren Kilometroak ospatzera goaz Azpeitiko Ikastola Ikasberri Kooperatiban. Herrian sustraituz eta helduz doa ikastola berria, hazten ari da. Urte gutxi barru leku arazoak izango ditugu gaur egungo eraikinean, eta horregatik Kilometroak 2011 jai hau.

Azpeitiko ikastola gaur egun Ibilbide horrek gaur egunera ekartzen gaitu, eta horrek erakusten digu bizirik dagoen hezkuntza komunitate bat dela ikastolarena azpeitiko herrian. Gaur egun 300 familiak, 450 ikaslek eta 60 profesionalek osatzen duten proiektua da Azpeitiko Ikastola Ikasberri Kooperatiba. 0 urtetik hasi eta 18 urte bitarteko gazteak ditugu ibilbide hori osatzen. Haur ikastolatik hasi eta Batxilergora arteko eskaintza daukagu. Hezkuntza euskalduna, mundutik herrira doana, herritik mundura bezala, eta ikaslea ardatz duena. Etengabeko hobekuntzan eta prestakuntzan oinarritzen den hezkuntza eredua. Proiektu berriak martxan dira (IKASYS, Euskal Curriculuma, Eleanitz eta abar), baina ahaztu gabe gure sustraiak non dauden eta nondik gatozen. Ikastola parte-hartzailea gara, gurasoen, ikasleen eta profesionalen elkar-lana egunerokoa izanik. Eguneroko hezkuntza zerbitzua elkar loturik bestelako zerbitzuekin: ikasle-gurasoentzat tailerrak, Ikastolako kultur elkarte eta kirol elkarteak, jangela eta garraio zerbitzuak. Denok osatzen dugu ikastola eta denona da ikastola.

Ikasberri Azpeitiko Ikastola 1995ean sortu zen, Eusko Jaurlaritzak ikastolei administrazioaren eskola publiko izateko eginiko eskaintzari uko egin ziotenean bailarako 625 ikasleren gurasoek. Gaur egun honako mailak eskaintzen ditugu:

  • Haur Hezkuntza
  • Lehen Hezkuntza
  • Derrigorrezko Bigarren Hezkuntza
  • Batxilergoa

Guztira 450 ikasle daude, honela banatuta:

  • Haur Hezkuntza: 162
  • Lehen Hezkuntza: 159
  • Derrigorrezko Bigarren Hezkuntza: 87
  • Batxilergoa: 43

Hezkuntza zerbitzu osagarriak

  • Eskola kirola: Igeriketa, herri kirolak, futbola, areto futbola, saskibaloia, esku pilota, paleta, atletismoa.
  • Tailerrak: antzerkia, dantza, trikitixa, panderoa...
  • Ikasberri Kirol Elkartea.
  • Kultur Elkartea.

Beste zerbitzu batzuk

  • Jangela
  • Garraioa
  • Haurtzaindegia
  • Udalekuak
  • Gabonetako zerbitzuak (oporlekuak)

ITSASI EUSKAL KULTUR TALDEA

Sortze data: 1977.
Helbidea:
Damaso Azkue.
Harremanetarako:
Historia:
Itsasi Euskal Kultur Taldea Azpeitian sortu zen 1977an. Lehen Oargi dantza taldean partaide izan ziren zenbait lagun talde baten kezka eta irrikaz. Hor hasi ziren neska eta mutil multzo bati beren dantza eta doinuak erakutsiaz. Eguneroko lanaren ondorioz, eta urteak pasa ahala garai hartan haurrak zirenak dantzari heldu prestuak bihurtu ziren. Horren lekuko urteetan zehar leku ezberdinetan emaniko emanaldiak. ITSASI Euskal Herriko dantza talde bat da, bere helburua euskal kultura landu eta zabaltzea delarik. Orain dela 23 urtetatik hari da lan hortan, Euskal herriko dantzak mundu osora zabaldu nahiean.


1981 Itsasik lehenengo aldiz artzai-inudeen kalejira atera zuen, orduz geroztik urtero-urtero etengabe atera izan dira Itsasiko dantzariak kalejira horretan, nahiz eguzkia egin naiz kazkabarra erori.


Ezin albo batean utzi 80. hamarkada erdian Itsasi Azpeitiko danborradan parte hartzen hasi zela. 32 mutilez eta 28 neskaz osaturiko talde honek soldadu frantziar eta kantineren trajeekin desfilatzen du beste 16 konpainiekin batera Azpeitiako kaleetan zehar. Aipatu beharrekoa da Itsasi urtero-urtero Azpeitian ospatzen den Azpeitia dantzan emanaldak antolatzeaz ere arduratzen dela. Bertan, ekainaren bukaerako eta uztailaren hasierako Larunbat gauetan dantza emankizunak izaten dira, nahiz Euskal Herriko, nahiz estatuko nahiz atzerriko taldeak izaten direlarik ikusgai.


ITSASI taldearen organigrama:

Dantza taldea:

Euskal Herriko zazpi herrialdetako dantza ezberdinak aurkezten ditu. Gipuzkoako dantza dotoreak, Bizkaiko dantza biziak, Nafarroako dantza alaiak eta Lapurdiko eta Zuberoako dantza ikusgarriak. Hauek plazaratzeko 55 jazkera baino gehiagoz hornitua dago.

Zapanzar eta ttuntturroak:

Aintzina izpiritu gaiztoak uxatzeaz arduratzen ziren pertsonaia hauek. Orain 14 lagunez osaturiko talde hau, Euskal Herriko herri ezberdinetan ibili da, hainbat kale alaituz beraien kalejirekin.

Musika taldea:

Txistulari, dultzainari, soinujole, biolinista, klarinete, trikitixa, flautista eta txalapartaz osaturiko talde aberatsa.

Dantza eskola:

Bertan 150 haur baino gehiagok euskal dantzak ikasten dituzte.

Musika eskola:

Euskal herriko musika tresna tradizionalak diren txistu eta atabala erakusten zaie dantzaeskolako kide direnei.

IZARRAITZ TXISTULARI TALDEA

Sortze data: 1981.
Helbidea:
Perez Arregi Plaza 1,
Webgunea:

Harremanetarako:
Garikoitz Mendizabal: 690 622 498 / Joxe Mari Sagarzazu: 687 415 321
Historia:
Izarraitz taldea 1981. urtean sortu zen. Hasera batean Itsasiko kide izatetik Izarraitz Taldea sortu zuten. Hauek ziren; Joxe Mari Sagarzazu, Eduardo Arana, Xabin Zulaika, Iñaki Lizaso, Amaia Lizaso, Xabier Arregi, Agurtzane Mugurza eta Arantxa Larrañaga. Hainbat txistulari pasa da urteetan zehar taldetik; Onintza Zeberio, Iraitz Zabaleta, Gorka Zabaleta, Iagoba Astiazaran,…

Taldean gaur egun hauek osatzen dugu: Joxe Mari Sagarzazu, Garikoitz Mendizábal, Eduardo Arana, Koldo Sagarzazu, Xabin Zulaika.

Helburuak

  • Musikaren alde lan egitea eta batez ere, herriz heri TXISTUA eta gure kultura zabaltzea.
  • Musika eta batez ere TXISTUA ren ikasketak egin nahi dituzten taldekideei beraien titulazioak lortzen lagundu eta bultzatu.
  • Azpeitiko nahiz kanpoko beste kultur taldeekin harremanak izan.
  • Herriari IGANDERO DIANA edo GOIZ ERESIA eskeini eta hiruilabetean behin kontzertu bat eskeini.
  • Urte guztian txistua presente izatea Azpeitiko herriak eta edonori gure laguntza eskeini inongo arazorik gabe (dantza talde, omenaldi, e.a.)

Urteko ekintzak

- Urte berri eguneko diana eta elizkizunean “Aurtxoa Sehaskan” txistu eta organoz.

- Errege eguneko diana eta elizkizunean “Aurtxoa Sehaskan”.

- San Sebastian jaiak:

  • Diana larunbat eta igandean.
    - Korporazioa.
    - Soka Muturrean zezen doinuak larunbat eta igandean.

- Ihauteriak:

  • Igandea: Diana eta soka muturrean zezen doinuak.
    - Astelehena: Diana, buruhandiak eta arratsaldean soka muturra.
    - Asteartea: Diana eta soka muturra.
    - Kontuan artu behar da lehengo urtean egun bat gehiago izan genuela zezena.

- Asteburu Musikalaren barne kontzertu bat, kale animazioa eta beste talde bat ekarri.

- San Juan bezpera:

  • San Juan martxa eta dantzarako piezak suaren inguruan.

- San Inazioak:

  • Uztailak 30: Txupinazoan kalejira.
    - Uztailak 31: Diana, korporazioa eta zezenketan zezen doinuak.
    - Abuztuak 1: Diana, korporazioa eta zezenketan zezen doinuak.
    - Abuztuak 2: Diana eta zezenketan zezen doinuak.

- Santo Tomasak:

  • Diana eta buruhaundi eta erraldoiak.

- Eguberriak:

  • Abenduaren 24: Arratsaldez Barrenetxea abesbatzarekin Olentzeroren buelta kalean zehar.
    - Abenduaren 25: Diana eta elizkizunean “Aurtxoa Sehaskan”.

Orain arte zer?

Aurreko puntuan aipaturiko ekintzez gain taldeak Joxe Mari Gurrutxaga Txokolo txistulariaren errepertorioa grabatu zuen diska batean eta baita Txistulari aldizkarian argitaratu ere. Honetaz gain txistu alardeak ere antolatu ditu eta oroar azpeitiko jaialdi, omenaldi, e.a. luzetan artu du parte.




KITARRISTA TALDEA

Sortze data: 1990.
Helbidea:
Eliz kale 24.
Harremanetarako:
Amaia Garmendia (943 81 18 31).
Historia:
Amaia Garmendiaren gidaritzapean, helburutzat gitarra jotzen ikastea du talde honek, horretarako euskarazko kantu tradizionalak erabiltzen ditu. Urtean zehar hainbat ekitaldi egiten dituzte herriko txokoetan, urtero egin ohi duten ikasturte amaierako erakustaldia, besteak beste.

JUAN ANTXIETA MUSIKA ESKOLA

Sortze data: 1983.
Helbidea:
Perdillegi 1.
Harremanetarako:
Mari Jose Bikendi (656 008 043) / 943 81 27 54.
Historia:
Musika Eskola sortzeko asmoz, lehen gurasoen batzarra 1982ko ekainaren 22an egin zuten Enparan Dorretxean. Guraso asko azaldu zen eta batzorde bat osatu gzuten. Orduantxe erabaki zuten Musika Eskola sortuko zutela eta Juan Antxieta izena jarriko ziotela. Musikako lehen eskolak urriaren 4an eman zituzten. Aurrena, Karmelo Etxegarai Ikastolak Sanjuandegin zituen lokaletan eta, gero, berriz, Oktogonoan. 25 urtetan Juan Antxieta Musika Eskolatik hiru mila ikasle inguru pasatu ziren.


Ekitaldi nagusiak: Santa Zizili eta ikasturte amaierako jaialdiak.

JULIAN BARRENETXEA ABESBATZA

Sortze data: 1986.
Helbidea:
Enparan 6, 4.
Harremanetarako:
julianbarrentxea@yahoo.es.
Historia:
1986an sortu zen eta herriko parrokian berrogei urtez organo jole eta kapera maisuaren izena hartu zuen.


Hasiera haietatik eta 2000 urtera arte Jose Luis Franzesena izan zen taldeko zuzendaria. Beronekin Euskal Herria, Espainia eta Europako hainbat tokitan ibili ziren eta hainbat lehiaketetan hartu zuten parte; Ejea de los Caballeros, Autol edo Avilesen (3. saria) besteak beste.


2001eko urtarrilean zuzendaritza Jaime Amenabarrek hartzen du, eta honekin jarraitzen dute egun ere. Azkenaldiko lanetan aipagarriena Erroma eta Vaticano hirira egindako bidaia izan da, Monseñor Pablo Colinoren gonbidapenari erantzunez.


Azken urteotan korurako musika indartu nahian eta beronen irudia aldatu nahian dabiltza errepertorio klasikoa ahaztu gabe, pelikuletako musika edo antzerki musikaletako lanak plazaratuz. Euskal konpositoreek egindako abesti herrikoien moldaketak ere gustu handiz abesten dituzte.


Organo erromantikoko nazioarteko zikloan ere parte hartu izan du bertan Jose Luis Franzesenaren lanak estreinatuz.


Herriko beste diziplinatako taldeekin elkarlanean formatu handiko ikuskizunak ere antolatu izan ditu ohiko eskenatokiak aldatuz.


Ekitaldi nagusiak:

  • San Sebastian eguneko meza nagusia abestu Azpeitiko Parrokian, Parrokiako Koroarekin batera.
  • Inauteri kontzertuan parte hartu, Herriko Musika Bandarekin batera.
  • Bi urtetik behin, San Joan bezperako su pizte ekitaldian parte hartu, herriko beste talde batzuekin batera.
  • San Ignazio bezperan Loiolako basilikan Parrokiako Koroarekin batera Bezperak eta Salbea abestu.
  • San Ignazio eguneko meza nagusia abestu Azpeitiko Parrokian, Parrokiako Koroarekin batera.
  • San Ignazio bigarrengo meza nagusia abestu Loiolako Basilikan, Parrokiako Koroarekin batera.
  • Azpeitiko Udazkeneko Abesbatzen Zikloan abestu.
  • Gabon eguneko eskean ibili, Parrokiako Koroko eta herritarrekin batera.
  • Beste abesbatzekin egiten diren hartu-emanen ondorioz sortzen diren kontzertuak.

LAKRIKUN ANTZERKI TALDEA

Sortze data: 1994.
Helbidea:
Goiko kale 14 4.
Harremanetarako:
Gurutze 685757609 / Alaitz: 653731508
Historia:
1994. urtean sortu genuen antzerki talde amateurra, Ikasberri Ikastolaren babesean. Noizean behin antzerki obra berriak prestatu eta jendeari eskaintzeko asmoz eratu genuen taldea. Denborarekin, eta hamazortzi urte pasa eta gero, taldeak obra berri asko estreinatzeaz gain, herriz-herri antzezten dihardugu.


Gaur egun, GREBAN GAUDE eta PREST gaude lanekin gabiltza plazaz-plaza, trilogiaren lehenengo bi zatiekin. Hirugarrena sortzeko dago oraindik.


Gure lanak prestatu eta antzezteaz gain, herriko antzerki mugimenduan parte hartzaile aktiboak izaten saiatzen gara. Ekitaldi txiki desberdinetan parte hartuz eta abar…


Lakrikun Antzerki taldea 18 urtean zehar

  • 1994.urtean sortu zen Lakrikun antzerki taldea Azpeitiko Ikasberri ikastolaren babesean.

  • 1995.urtean, Toribio Altzagaren BIOZBERAK antzerkiarekin eman zen taldea ezagutzera.

  • 1996.urtean, Toribio Altzagaren BERNAIÑOREN LARRIYAK antzezlana taularatu zuten.

  • 1997.urtean, Azpeitiko Euskal Antzerki Topaketetan, Imanol Elias-en ZORIONEKO OPORRAK komedia estreinatu zuten.

  • 1998.urtean, taldeak Azpeitiko Euskal Antzerki topaketetako ikuslegoaren saria jaso zuen Alaitz Olaizola-ren EZ DIRA BERDINAK, ANTZEKOAK BAIZIK antzerki obrarekin. 17 emanaldi ematera iritsi ziren lan honekin urte betean.

  • 1999.urtean ere, Azpeitiko Euskal Antzerki topaketetako saria jaso zuten ZEREKO ZERA ZERTZEN DELAKO ZEREKO ZERAREKI antzerki lanarekin. Alaitz Olaizolaren bigarren lana zen hau.

  • 2001.urtean,Alaitz Olaizola-ren GARALDEREN REQUIEM-a antzerki lana estreinatu zuten antzerki topaketetan.

  • 2002.urtean, topaketetan, Kontxu Odriozola aktoresa ezagunaren omenaldirako, antzerki lantxo bat prestatu zuten.

  • 2003.urtean, berriro, Alaitz Olaizola-ren AGORAGOFOBIATUTA antzezlanarekin, Azpeitiko Euskal Antzerki topaketetako saria jaso zuten.

  • 2004.urtean, taldeak eskainitako formatu txikiko GREBAN GAUDE antzerki lanarekin, saria jaso zuten berriro ere. Bestetik, Azpeitiko udalaren produkzio batean talde osoak hartu zuen parte, Alaitz Olaizola-ren MARITXU NORA ZOAZ, EDER GALANT HORI, AZPEITIRA BARTOLO, NAHI BADEZU ETORRI antzerki obra berria, topaketetan eskainiz.

  • 2004. urtean, taldeak 10. urteurrena ospatuz, Uztarria Kultur Koordinadoraren kultur aldian parte hartu zuen antzerkitxo batekin.

  • 2005.urteko azaroan, ZINTZILIK, Alaitz Olaizolaren lan berria estreinatu zuten Azpeitiko Euskal Antzerki topaketetan.

  • 2006.urtean, poesia eta antzerkia uztartzen dituen antzerki lana prestatu zuten taldekide batzuk. EMAN BIRA

  • 2007.urtean, SEGI BUELTAKA lana taularatu zuten Azpeitiko euskal antzerki topaketetan. Topaketen 25.urteurrenaren aitzakian prestatutakoa izan zen, Azpeitiari begira atondutako lana.

  • 2009.urtean, A.J.E trilogiaren bigarren zatia estreinatu zuten Azpeitiko euskal antzerki topaketetan: PREST GAUDE. Azpeitiko euskal antzerki topaketen saria jaso zuen lan honek.

  • 2010.urtean, Kilometroak 2011ren aurkezpen ekitaldiko gidaritzaz arduratu zen antzerki−aurkezpen formatuan.

  • 2011. Azpeitiko kultur mahaiak Imanol Elias ohorezko bazkide izendatu zuen. Emanaldian taldeko kide batzuk Imanolen zenbait antzerki lanen irakurketa dramatizatua egin zuten.

AZPEITIKO METAL BOSKOTEA

Sortze data: 2003.
Helbidea:
Iberotarren Enparantza 6, 1.A
Webgunea:
http://azpeitikometalboskotea.blogspot.com/
Harremanetarako:
Agustín Jiménez 636801991
Historia:
Azpeitiko Metal Boskotea, 2003ko abenduan sortu zen musika talde bat duzu. Gure asmoa, metal boskoteko musika lantzea da, horrelako taldeek ematen dituzten aukera guztiak jorratzeko asmoarekin. Musika mota guztiak joratu nahi ditugu, musika klasikotik, musika garaikideaz, Euskal kantak etab. Metal boskote eta organu kontzertuak ere egin izan ditugu eta baita ere Azkoitiko bandarekin egiten dugun emanaldia, urteroko emanaldi bihurtu zaigu. Horrez gain, TUBA JAIALDIA antolatzen laguntzen dugu. Euskal Herrian ditugun maisu handienen laguntzarekin, maila guztietako musikariez osaturiko kontzertu bat egiten dugu, Tubaren aukera desberdinak erakutsiz.

Ekitaldi nagusiak: Urtean zehar kontzertu bat (musika mota desberdinetan), Gabon  Kanten Kontzertua, TUBA JAIALDIA..

AZPEITIKO MUSIKA BANDA

Sortze data: 1895.
Helbidea:
Plaza Txikia 1, 4.
Harremanetarako:
Unai Frantsesena (zuzendaria, unainauk@gmail.com) eta Jon Ibarzabal (lehendakaria, ibarzabaljon@hotmail.com).
Historia:
Euskal herriko beste herri askotan bezala, Azpeitiak ere aintzinatik izan du musika landu eta bizitzeko joera. Horren adibide garbia Azpeitiako banda dugu.
Bandaren lehenengo aztarna 1895.urtean ageri zaigu, Sekundino Etxeberriak, orduko zuzendariak, banda utzi eta familiarekin Santanderko Cabezón de la Salera joan zenean. 1865an, Pedro Parodi zuzendari zelarik, faktura baten arabera, udalak 3000 erreal ordaindu zituen instrumentu berriak erosteko. Bi urte beranduago berriz, 900 erreal eman zizkioten..
1880 urtean hogeitalau musikarik osatzen zuten banda, guztiak Inazio Belaustegiren zuzendaritzapean. 1884an elektrizitaterik ez zegoen, eta ondorioz entsaioak kandelekin egin behar izaten zituzten. Urte honetan 30 erreal gastatu zituzten argi indar tankera honetan.
Jendearen ordaina, bazkari edo merienda izaten zen, baina 1890an bakoitzari dirua ematea erabaki zuen udalak. Hala eta guztiz ere, musikari batzuk tabernetan jotzen zuten sos batzuren trukean. Egoera honek tira-birak sortu zituen udaletxean. Hain zuzen ere, eztabaida hauen ondorioz tresna guztiak bildu eta banda desegin zuen udalak 1893an.
Gure herriko bandak gora-behera dexente izan ditu. Ikus, bestela, honako datuak:

  • 1893: banda berriro martxan jartzen da, Lukas Odriozola zuzendari zelarik.
  • 1894: zuzendaria Inazio Fernandez Elizgarai.
  • 1896: banda berriz desagertzen da.
  • 1897: berriz ere banda martxan jartzen da Inazio Fernandez zuzendari duelarik.
  • 1898: Jose María Iturbidek txaranga bat egiteko atrilak eta entsaiatzeko lekua eskatzen dio udalari.
  • 1899: hirugarren aldiz banda desegiten da.
  • 1901: zuzendariak Julian Ortíz eta Jose María Gurrutxaga "Txokolo" dira.
  • 1906: udalak musika akademia sortzen du, eskolak hartzeko baldintza bakarra bandan jotzea delarik. Udal Bandaren araudia ere prestatu egiten da.
  • 1908: zuzendaria, Biktor Agirre Etxeberria da.
  • 1912: zuzendaritzarako lehiaketa. Irabazlea, Jose Eskoriatza Lezeta da, eta zuzendari orde berriz "Txokolo".
  • 1917: Eskoriatza Gasteizera joaten da hango bandako ardura hartzeko, eta ondorioz berriz ere hauteskundeak izango dira.
  • 1925: banda desegiten da berriro ere.
  • 1927: banda berrosatzen da.
  • 1936: politika zela medio, hainbat musikari bandatik bota zituzten. Zuzendari berria Frantzisko Iriarte izendatu zuten.
  • 1940: zuzendaria Eduardo Bereziartua.
  • 1941: behar adina diru es zuela eta, udalak banda desegiten du. San Inazio Banda osatzen da, herriko tresneri eta lokalak dituen banda pribatua. Bere zuzendaria Frantzisko Iriarte da.
  • 1946: zuzendaria, Inazio Bikendi.
  • 1947: Udalak San Inazio banda desegiten du.
  • 1947: Frantzisko Gurrutxagaren eskaintza onartuta, oraingoan Loiolako San Inazio Banda sortzen da.
  • 1959: Frantzisko Gurrutxagak dimititzen du. Berriro musika tresnak bildu eta banda desegiten da.
  • 1959: Jose Mari Altuna da zuzendari.
  • 1966: udalak banda eta orkestina desegiten ditu.
  • 1972: Jose Maria Altunaren zuzendaritzapean, bandak lanari ekiten dio.
  • 1984: Iñaki Alberdik hartzen du bandaren zuzendaritza.
  • 1986: zuzendari berriaren lanetan Jose Luis Franzesena hasten da.
  • 2007: Zuzendari lanetan Unai Frantsesena hasten da.


AZPEITIARRON NAPAR ZUZTERRAK

Sortze data: 2002.
Helbidea:
Loiola auzoa 25, 1.D (behin-behinekoa)
Webgunea:
www.nabarralde.com
Harremanetarako:
Iñigo Agirre 943 81 13 25 / 630 26 73 62
Historia:

Ekitaldi nagusiak:

  • Urola mailako sustapena

  • Hitzaldiak

  • Mahai-inguruak

  • Ekintza bereziak

  • Ekitaldi nazionalak:

    1. Urteroko Noaingo martxa

    2. Konkistaren inguruko KONGRESUAK

    3. Nafarroa bizirik plataforma

    4. Ekaineko martxa nazionala

    5. ..

  • Zerbitzueskaintzabereziak

    1. Azokatematikoeneskaintza

    2. Antzerki eskaintza

    3. Kurtsoak

  • Materiala:

    1. Liburuak,

    2. Kazeta orriak,

    3. Zapiak,

    4. Kamisetak,

    5. Biserak,

    6. Motxilak


ERABAKI PRODUKZIOAK

Sortze data: 2012.
Helbidea:
Urrestilla, Elizatze 2.
Webgunea:

Harremanetarako:
Historia:
Natasha films eta Nazkau ez produkzioak taldeek bat eginda sortu zuten Erabaki produkzioak. Lehen lana aurkeztu zuten urte horretan: 'Oinaze egoitzak', Gurutze Eizmendi, Erika Olaizola eta Iñigo Aranbarri aktoreekin egina.

Natasha films: 1999an, lagun batzuk biltzen hasi ziren, laburmetrai bat ekoiztu asmoz.

Natatxa Films-en helbururik nagusiena zine eta bideogintza indartzea da, laburmetraiak ekoiztuz. Eta aldi berean, Azpeitian dagoen hutsune eta gabezia betetzen saiatzea. Hauetaz gain, beste helburu batzuk ere baditu:

-Zine eta bideogintza arloa indartzea.
-Laburmetraiak ekoiztea, esparru eta ikuspegi berezi batetik.
-Zine eta bideogintzako tendentzi berrien ildoa landu.
-Taldeak egiten dituen lanak herriari erakustea.


Natatxa Films taldeak, bere ibilbidean zehar hainbat lan egin ditu, hala nola, bi laburmetrai eta iragarki bat.

  • Filmografia
    - Recordman (1999-2000)
    - Bazkaria poxpolotan (2000-2001)
    - Bailara (2002-2003)
    - EHNAren aldeko lehen iragarkia (2002)
    - EHNAren aldeko bigarren iragarkia (2004)
    - Tiobiborentzako CD multimedia (2004)
    - Cronos filmatzen hasiko dira martxoan

ORKATZ KULTUR ELKARTEA

Sortze data: 1993.
Helbidea:
Erdi kalea 24.
Harremanetarako:
943 15 00 06.
Historia:

Ekitaldi nagusiak:

- Ikiaaaarriya bertso saioa (otsaila).
- Orkatz eguna (ekaina).
- Presoen aldeko argazki erakusketa (abuztua-iraila)

- Kontzertuak, bertsoak, poesia....

SAHATSA DANTZA TALDEA

Sortze data: 1976.
Helbidea:
Baztartxo Antzokia (Azkoitia).
Webgunea:
www.sahatsa.com.
Harremanetarako:
info@sahatsa.com / 943 85 1974.
Historia:
Sahatsa Euskal Dantza Taldea 1976.urtean sortu zen. Gaur egun Gipuzkoako Azpeitia eta Azkoitiako gaztez osatuta dago, eta euskal folklorea ezagutaraztea eta zabaltzea du helbururik nagusiena eta horretan dihardu tinko eta firmoki.


Emanaldi Nagusiak:

  • 1987 Zaragoza, Valencia eta Sevillan zehar jira. Canal Sur Telebistarako erreportaia
  • 1988 Asturias-en zehar jira. Alemaniar Telebistarako erreportaia
  • 1990 Cantonigros-eko 7 Nazioarteko Dantzen Lehiaketaren Saria (Catalunia). Tarradells-eko 9 Nazioarteko Dantzen Jaialdia (Catalunia).
  • 1991 Sidmouth-eko 37 Nazioarteko Dantzen Jaialdia (Inglaterra). BBC Telebistarako erreportaia.
  • 1992 C.E.O. (Chief Executive Organization) Kongresuaren amaiera (Madrid).
  • 1993 Alkobendas-eko 6 Nazioarteko Folklore Topaketa (Madrid). Euskadiko Ordezkari Autonomien arteko 9 Folklore Topaketan (Sestao).
  • 1994 Vila-Real-eko 7 Nazioarteko Dantzen Jaialdia (Castellon).
  • 1995 Poitiers-eko Nazioerteko Dantzen Jaialdia (Frantzia). Euskadiko ordezkari Autonomiaren arteko 11 Folklore Topaketan (Sestao)
  • 1996 Pirineotako 34 Nazioarteko Dantzen Jaialdia (Oloron, Frantzia). Lefkadako 34 Nazioarteko Dantzen Jaialdia (Grezia).
  • 1998 Octodureko 7. Nazioarteko Dantzen Jaialdia (Martigny,Suitza).
  • 1999 6. Folklore Topaketa Nazionala (Marchamalo,Guadalajara). Aloverako Folklore Topak7ta (Guadalajara).
  • 2000 Agrinioko 3. Nazioarteko Topaketa (Agrinio, Grezia).
  • 2001 Eusko Jaurlaritzaren gonbidapenez, Euskal Herriko turismo sustapena (Madrilen).

URRESTILLAKO TRIKU MUSIKA ELKARTEA

Sortze data: 1987.
Helbidea:
Urrestilla, Elizatze 2.
Harremanetarako:
trikume@gmail.com.
Historia (liburutik hartua):
"Ez da berria izango azpeitiarrentzat, Urrestilla aldean badela bertako musika taldeek euren zaletasunak jorratzeko aukera duten lokalen bat. Baina inork gutxik jakingo du benetan nolako mugimendua dagoen han.

Lehenengo taldeak beraien hasierako kantak osatzen hasi zirenetik, gauzak asko aldatu dira.

Urrestillak berak ere aldaketa ederra jaso du azkeneko urteetan. Jendearen eskaerak asetu nahian, etxe berri ugari egin da eta hazkundean dago.

Musika lokalean ere taldeen hazkundea izan da: hasierako garai haietan laupabost talde zeuden eta gaur egun, 20.

Urte askotako lanak ekarri dio lokalari eraldatze hori. Baina historia hasieratik ondo ezagutzeko, 1987ra jo behar da, urte horretan eman ziotelako hasiera Urrestillako musika mugimenduari.

1987ko urte hartan, Azpeitian Kaka Flash irrati librean saio bat egiten zuen gazte talde batek, musika taldea osatzea erabaki zuen.

Inork gutxik zekien garai hartan zerbait musikaz; entzuten zutenaz gain, jakina. Batek herriko bandan ‘tanborilero’ lanak egiten zituenez, hura baterijolea izango zen eta besteak...

—‘Hik gitarra, hik baxua eta hik abestu’.— horrelaxe, askorik pentsatu gabe.

Taldekide baten garajean hasi ziren musika jotzen ikasteko ahaleginak egiten, baina laster nazkatu ziren haren gurasoak garajeko bateri hots eta gitarra burrundaraz.

Horrela, Azpeitiko Udalera jotzea erabaki zuten.

Ibon Odriozola izan zen aurreneko harreman haietan parte hartu zuenetako bat.

—‘Garai hartan, gu 14 urteko lau katu ginen, eta nork egiten die kasu 14 urteko ume batzuei?’—, dio Ibonek berak.

Egia esan, ez ziren harreman errazak izan. Ederki gogoratzen da horretaz Ibon.

—‘Urte hartan ia egunero-egunero joaten nintzen udaletxera, baina beti izaten ziren arazoren batekin, “etorri bihar”, “deitu geroago”, “hurrengo astean pasa zaitezt eta beti horrelako erantzunen bat. Gutxienez berrehun aldiz joan nintzen, benetan’.

Eta, halako batean, Udala Soreasu aldean lokal bat uzteko prest omen zegoen.

Lokal hura, ordea, etxebizitza batzuen azpiko lokala zen eta hirugarren arratsalderako Julian Arruti Oriyo udaltzaina ate-joka zuten, goiko bizilaguna eguneroko lo-kuluxka ezin eginda omen zegoelako.

Arazo horiek aurreikusita, gazteek euren proposamena luzatu zioten Udalari.

—‘Beste herrietako informazioa heldu zitzaigun, eta mugimendu politak entzuten genituen’.— esaten du Aitor Egigurenek.

—‘Guk ere lokal duin bat eskatzen genuen. Garai hartan hutsik zegoen tren geltokia eta hango komunak egokitzea izan zen gure helburua. Bertara joan eta segidan iritsi zitzaigun belarrietara Urrestilla aldean bazela lokal bat, eliz atzeko kalean, inork ez omen zuena erabiltzen. Segituan hura eskatzera jo genuen’.— gehitu du Ibon Odriozolak.

Udalak onartu egin zien eskaera. Orduan hasi zen hango historia. Eta ez Udalak eta ez gazteek orduan ez zuten pentsatu ere egingo lokalak hartuko zuen dimentsioaz; gainditu egin dira aurreikuspenak, helburuak. Adibidez, lokala gaur Triku Musika Elkartearen egoitza da, urteetan hainbat eta hainbat musika taldek bertan entseatu eta grabatu dute... Gaur egun, inguruetako musika lokalik garrantzitsuenetakoa da.

1989an eman zioten hasiera ibilaldiari, eta hasiera-hasieratik hasi ziren bitxikeriak sortzen.

—‘Oraindik instrumentu guztiak Soreasuko lokalean genituen, eta garraio modurik ez genuenez, udaltzainen Land Rover zaharrean egin genuen Urrestillarako bidea’.— dio Ibonek.

—‘Bai, bai, hala da. Buruko ederrak hartu nituen nik; atzean joan nintzen bateri eta anplifikadore artean’.— gehitu dio Aitorrek.

Kaka Flashen zebiltzanek sortutako musika talde hark, ‘Signakulum Virginitatis‘ izena hartu zuen. Hura izan zen Urrestillako lehen taldea.

Eraikina, urte batzuk lehenago haur eskola bezala erabilia izan zen. Beheko solairuko alde banatan, bi gela handi zituen eta goikoan beheko irakasleek betetzen zituzten bi etxebizitza.

Baina urte haietan zuten erabilera bakarra, barnetegiarena zen. Bizkaia eta Araba aldetik udaran ikasle taldeak etortzen ziren, euskaraz ikastera. Eta goiko solairuan, berriz, lo egiten zuten, koltxoietan pilatuta.

—‘Ederra zen’ —dio Ibonek—: ‘etorri ginen lehen aldian beheko ezkerreko gelan sartu ginen eta haurtzaindegi bat zen, aulki txiki-txikiak eta mahai txikiz beteta; komunak, 3 urteko umeentzat egokitutakoak. Baina entxufeak bazeudenez, gure aparatuak konektatzeko bertan gelditu ginen’.

Hasieratik izan zituzten entzuleak Signakulum Virginitatis taldekoek, beraiek kontatzen dutenez:

—‘Hasiberriak ginenean, goitik barnetegikoak etortzen ziren gu ikusi eta entzutera. Ate ondoan jartzen ziren. Eta guk bukatzen genuenean, “hau ‘mobida’ bat da”, esan zuten’.

Aspaldiko kontuez hitz egitean, barreak irteten die. Ez dituzte erraz ahaztuko hasierako urte gogor bezain eder haiek.

Ezta Zikupa taldekoek ere. Horiek izan ziren Urrestillako lokalean sartu ziren hurrengoak, Standa eta Uztauek taldekoekin batera.

Hasiera hura azkarra bezain intentsoa izan zen, eta nahiz eta lokala eskatzeko garaian Signakulum taldea bakarrik aritu, lokala lortzearekin batera talde ugari sartu zen bertan.

—‘Anaia gaztea, Signakulum taldean aritzen zen. Behin haien kontzertu bat ikusten ari ginela, benetako har musikala piztu zitzaigun. Beti gustatu izan zitzaigun musika eta askotan jardun genuen talde bat osatzeaz, baina horretan gelditzen ginen’.— dio Ion Alberdi, Zikupako gitarrajole eta abeslariak.

—‘Baina haiek egin bazezaketen, guk ere bai’.— erantsi du Aitor Bereziartua Atxuiya taldeko baxulariak.

Eta horrela, Joseba Iribar Irimo kuadrilako lagunarekin batera, taldea sortzea erabaki zuten.

Urte hartan bertan, udara partean, Alberdik udaleku batzuetan jardun zuen monitore lanean eta han ezagutu zuen gero taldeko baterijolea izango zena: Petri andoaindarra.

Nahiko buruhauste izan zituzten taldeari izena jartzeko garaian. Azkenean, ‘Zikupa’ deitzea erabaki zuten.

Garai beretsuan beste zenbait gazte ere hurbildu ziren lokalera, eta haiek ere taldeak osatuz joan ziren; Sektor Mierda da horren adibideetako bat.

Hala, pixkanaka-pixkanaka eman zioten hasiera Urrestillako musika mugimenduari.

T3. ZINE KLUBA

Sortze data: 2006.
Helbidea:
Perez Arregi Plaza 1.
Webgunea:
http://uztarria.com/komunitatea/zinekluba.
Harremanetarako:
Ihintza
Historia:
Soreasuko zine zaharra eraistearekin bat, 2005. Urtean, 1976tik zine klubean buru-belarri zebiltzan kideek uztea erabaki zuten. Herria nahiz eta horretarako prestatutako zine aretorik gabe gelditu, 2006. Urteko urrian 5 laguneko taldetxo batek zine klubati jarraipena ematea erabaki zuen.


Taldea osatzeko pare bat bilera ere egin zituzten. Eta horrela ekin zioten beren ibilbideari. Talde berria Betharram-etako lokalean hasi ziren filmak botatzen urritik apirila ingurura bitartean, DVD formatuan eskaintzen ziren emanaldiak.


Gabonetan eta zenbait urtez baita Aste Santutan ere haurrentzako zine zikloak eskaini izan ditu taldeak. Helduentzako, berriz, Gabonetako zine ziklo bereziaz gain, urtean zehar ere gai edo zuzendari konkretu baten inguruko zikloak eskaini izan dituzte.


Herriko eragile ezberdineekin lankidetzan emanaldiak zein beste edozein proposamen aurrera emateko ateak izan dituzte beti zabalik. Hala, Udalarekin, BIlgune Feministarekin, Saharako Elkartearekin…. egin izan dute lan.


2010eko abenduan Sanagustin Kulturgunea ireki zen, eta Zine kluba egunez aldatu, eta 2011 urte hasieran bi astean behingo ostegunetan gune horretan izan zen zine kluba.


2011ko urrian ikasturtea hasteko prest zirela film banatzaile enpresekin izandako zenbait arazo medio, hasi aurretik bertan behera uzti zituzten emanaldiak. Arazoak arazo, beren etorkizunaz pentsatu eta hausnarzteko denbora hartu zuten, eta 2012ko urtarrilean Soreasu antzoki berrian hasi ziren zine kluba eskaintzen.

 

Aurretik

1976ko urriaren 1ean egin zuen Azpeitiko Zine Klubak bere estreinua, Soreasu Antzokian. Zine Kluba sortu zenean, herriko hainbat zine zale zeuden taldean, hala nola, Aitor Aldalur, Xabier Arenas, Pepe Azpiazu, Jabier Beloki, Pello Elorza, Ramon Etxeberria, Olatz Larrañaga... Zine zaletasun horrek bultzatu zituen hain zuzen ere Zine Kluba martxan jartzera. Horrela, hamabostean behin, Soreasu Zinema Aretoan pelikulak botatzeko ardura hartu zuen taldeak. Zine-forum saioen helburua, pelikulak bukatu ondoren hausnarketa eta eztabaida sortzea zen.


Azpeitiko Zine Kluba sortu aurretik, ordea, Azpeitian gutxienez beste bi zine klub izan ziren. Bata, OARGIko gazteek antolatu zuten. Garai haietan zailtasun handiak zeuden kultur ekintzak antolatzerako orduan. Hala ere, OARGIkoek asmatu zuten lan hau egiten.


Talde hau desagertu ondoren, urte batzuk geroago, aita Bengoak zuzentzen zuen taldea sortu zen, "bengoistak" izenarekin ezagutzen zirelarik. Taldeak Soreasun zine emanaldiak emateari ekin zion. Emanaldi hauetan, pelikula bat aurkezten zuten eta ondoren pelikularen gainean eztabaida egiten zen.


Baina Zine Kluba martxan hasi aurretik hainbat bilera egin behar izan zituzten, Santiago kaleko Iraurgi Elkartean eta, gero, Etxe-Zuriko tabernan. Bilera horietan, lanak banatu, ardurak hartu, pelikulen kontratazioak egin, egunkarietarako abisuak egin etab. egin beharra zegoen.


Azpeitiko Zine Klubak bere ibilbidean zehar hainbat pelikula egin ditu, besteak beste eta batzuk aipatzearren:

-KUTSADURA (1977):

Pelikula honen muina ibai baten jaiotza eta kutsaduraren eraginez gertatzen den heriotza da. Super-8koa da pelikula. Zestoako II. Topaketetan aurkeztu zen eta arrakasta handia lortu zuen. Donostian egin zen Nazioarteko Zinemagintza Amateurren Festibalean brontzezko domina lortu zuen, dokumental sailean.

-ZINE EGILEEN LEHENENGO PAUSUAK (1978):

Urte horretan ikastaro bat eman zuen Zine Klubak eta han jasotako jakingaiekin honoko pelikula egin zuten. Irudien bidez tripodea nola hartu eta erabili, zer diren eta nola egiten diren trabelinak etab. ikus daiteke.

-GIZONA-LANA-MAKINA (1978):

Edozein lantegiko kate batean lana egiten duen pertsona baten istorioa kontatzen da. Azkenik, makina bat gehiago izanez bukatzen duen langile baten barne istorioa. Pelikula honek, Donostiako Nazioarteko Zine Amateurreko Zinemaldiaren sailkapen orokorrean brontzezko domina lortu zuen. Baita Zinemaldi berean 1. saria, argumentuzko pelikulen artean.

-EQUINOXE (1980):

Itsasoaren irudiekin egindako montaketa bat da. Hainbat sari lortu zituen, besteak beste, Lekeition argazki onenari aipamen berezia, Zallan irabazle eta Gasteizen, bigarren, dokumental mailan.

-KOKLES (1981):

Aitona baten, bere ilobaren eta heriotzarainoko fideltasuna izan zen historiaren mamia. 1982an Balmasedan, Euskarazko filme onenaren saria lortu zuen. Urte berean, Zallan filme onena.

-AZKEN LAMIA (1982):

Pelikularen iraupena 27 minututakoa da. Pelikula honetan, lamien historia kontatzen da, nola garai batean, lamiek artzaiak eta baserrietako mutilak liluratzen omen zituzten.

-MATEO TXISTU (1987):

Pelikula Euskal Herrian hain ezaguna den ipuinean oinarritzen da. 30 minutuko iraupena du pelikulak.

Azpeitiko Zine Klubak 2001ean bete zituen 25 urte. Hori zela-eta, liburu bat kaleratu zuten, taldearen historia eta bitxikeria guztiekin, "Azpeitiko Zine Kluba, 25 urte fotograma artean".


2005ean utzi zuten Zine Kluba ordura arte taldean lanean aritu zirenek.


2006ko urrian gazte talde batek hartu zuen aurrekoen lekukoa, eta Zine Kluba berriz martxan jarri zuten.

ZUBI-ZAHARREKO MUSIKA TALDEA

Sortze data: 1998.
Helbidea:

Harremanetarako:
Historia:
1998. urtean  Urrestilan entseatzen zuten hainbat taldek beraien lokalean aldaketa batzuk egiteko baimena eskatu zioten garai hartako udalari. Honen erantzunaezin zirela talde horiek eskatutako aldaketak egin izan zen, eraikinaren segurtasunagatik, baina bazuela beste irtenbide bat, ordura arte pasonibela eta jatetxea izan zen Zubi-zar eraikinera pasatzea, hain zuzen ere. Talde hauek aukera hori onetsita Zubi-zarera joatea erabaki zuten.


Harrezkero talde asko pasatu dira Zubi-zartik eta era askotako musika sortu da bertan. Metal eta punk ukitua izan du gehienbat Zubi-zarrek baina Ska, Hard core, blues eta beste hainbat estilo ere landu dira bertan. Bertako taldeek diska ugari grabatu dituzte eta ehundaka kontzertu eman dituzte, baita atzerrian ere, eta urte guzti hauetan zehar ondare kultural garrantzitsua utzi dute.


Musika eta musikarientzat egun kaskarrak diren hauetan inoiz baino jende gehiago ari da Zubi-zarren lanean. Izango da beraz gero ere zer entzuna.